Jæja þá byrja prakkarastrikin

Hann Maron gerði sitt fyrsta alvöru prakkarastrik í dag ásamt vinkonu sinni úfff.

Þau laumuðust inn í bílskúr hjá henni og náðu sér í spreibrúsa sem var þar, tilgangurinn hjá þeim var að fara að spreja á kóngulær, sem virtust flestar vera á húsinu hjá henni. 

En allavega þá sjáið þið á myndinni smá sýnishorn af því hvernig húsið lítur út.

Maron var semsagt settur í náttföt kl 6 og er þar inni og skammast sín mjög mikið. Og verður þar í sínu fyrsta straffi í kvöld. Ég sem hélt að sonur minn væri allger engill.

 

 

Við kærðum nágranna okkar

Það var í vor sem við vorum að að spjalla við nágranna okkar, við ræddum um garðslátt. Heiðar fór að segja þeim hvað honum þætti einstaklega leiðinlegt að slá blettinn. Svo fréttum við eftir eina af okkar fyrstu útilegum í vor að þau hafi mætt eftir að við vorum farinn og borið vel af áburði á blettinn okkar svo hann yxi nú vel í sumar.

 Þar sem það logar allt í kærum í hverfinu okkar þá ákváðum við að kæra þau fyrir þetta bjánalega tiltæki þeirra. Þið getið lesið kæruna hér fyrir neðan og eins og þið getið rétt ímyndað ykkur þá tölumst við ekki við þessa dagana

 Kæra 07.07.07Ragnar Heiðar Karlsson og María Maronsdóttir ábúendur að Bjálfhólum 20 hafa lagt fram kæru á hendur íbúum að Bjálfhólum 9  Jósefi Antoni Skúlasyni og Dagrúnu Ingvarsdóttur  fyrir að hafa með ólögmætum hætti borið áburð á grasflöt eignar Ragnars og Maríu með þeim afleiðingum að grasflöturinn hefur sprottið 50% meira heldur en eðlilegt er. Garðyrkjufræðingurinn Arfi Þór Jónsson var fengin til þess að meta skaðann sem Ragnar og María hafa orðið fyrir og telur hann að bensínkostnaður við rekstur sláttuvélar þeirra hafi aukist um 50 % eða sem nemur 13.000 k.r og aukið álag á Ragnari vegna þess að hann hefur þurft að slá garðinn helmingi oftar heldur en ella ef Jósef hefði ekki verið með þennan kjánaskap að bera á blettinn hjá Ragnari og Maríu. Arfi telur að þetta álag jafnist á við 10.000 k.r.  Ragnar Heiðar Karlsson og María Maronsdóttir fara því frá á skaðabótakröfu að andviðri 23.000 k.r.  Kæran verður feld niður ef Jósef og Dagrún greiða skaðabótakröfuna til Ragnars og Maríu innan 7 daga. Meðfylgjandi er reiknisnúmer þeirra sem þið getið lagt inn á.Fyrir hönd Ragnars Heiðars Karlssonar og Maríu Maronsdóttur, Svanur Jónsson Hæstaréttarlögmaður.

Reiknisnúmer 325-26- 89738  Kt:1301764889

 

 

Konur eru fyrirmyndar bifhjólaökumenn

Vá hvað þær eru heppnar að áhugi minn á mótorhjólum skuli hafa dofnað fyrir 12 árum eða 3 mánuðum  eftir að ég tók móturhjólaprófið. Ef ég hefði haldið áfram að keyra mótorhjól þá hefðu þær sennilega ekki þennan titil. Ekki það að ég hafi keyrt of hratt heldur meira of hægt og verið óvart að svína fyrir aðra ökumenn. En  þetta er allt í lagi ég er ekkert á leiðinni að fara að kaupa mótorhjól

„Konur eru fyrirmyndar bifhjólaökumenn“

Jæja þá er komið að því nú á að fara að tjá sig opinberlega

Mig langaði að byrja á því að segja að hann Óli bróðir minn bað sérstaklega um þennan bakgrun og auðvitað verð ég að verða við ósk hans, ég á nú bara einn bróðir hvað gerir maður ekki fyrir hann